top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

خاک سورج سے اندھیروں کا ازالہ ہوگا

خاک سورج سے اندھیروں کا ازالہ ہوگا

آپ آئیں تو مرے گھر میں اجالا ہوگا

حشر میں ان کا ہر اک چاہنے والا ہوگا

مرے سرکار کا عالم ہی نرالا ہوگا

حشر میں ہوگا وہ سرکار کے جھنڈے کے تلے

میرے سرکار کا جو چاہنے ولا ہوگا

عشقِ سرکار کی اک شمع جلا لو دل میں

بعد مرنے کے لحد میں بھی اجالا ہوگا

آنہیں سکتا نظر جلوۂِ سرکار کبھی

بے یقینی کا اگر آنکھ میں اجالا ہوگا

کل وہ سرکار کے دامن میں نظر آئے گا

جس کے عیبوں کو زمانے نے اُچھالا ہوگا

جب بھی مانگو تو وسیلے سے انہیں کے مانگو

اس وسیلے سے کرم اور دو بالا ہوگا

سر جھکائے گا وہ سرکا ر کے قدموں میں ضرور

جس کا مقصود بھی اللہ تعالیٰ ہوگا

حشر میں اس کو بھی سینے سے لگائیں گے حضور

جس گنہہ گار کو ہر ایک نے ٹالا ہوگا

ہوگا سیراب سرِ کوثر و تسنیم وہی

جس کے ہاتھو ں میں مدینے کا پیالا ہوگا

ہر ضرورت پہ کفالت کی نظر ہے تیری

اور تجھ سانہ کوئی پالنے والا ہوگا

ماہ طیبہ کی تجلی بھی نرالی ہوگی

آپ کے گرد بھی اصحاب کا ہالا ہوگا

صلۂ ِ نعتِ نبی پائے گا جس دن خاؔلد

وہ کرم دیکھنا تم دیکھنے ولا ہوگا

36 views
bottom of page