top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

جہاں بھی میرے نبی کا ذکرِ جمال آیا کمال آیا

جہاں بھی میرے نبی کا ذکرِ جمال آیا کمال آیا تو حسنِ یوسف پکار اٹھا کمال آیا کمال آیا

مشیتِ حق کا فیصلہ ہے کہ تیرے جیسا کوئی نہ ہوگا ہر ایک خوبی میں بن کے تو بے مثال آیا کمال آیا

طلب کے آداب جانتے ہیں تجھی کو تجھ سے ہی مانگتے ہیں ہمارے لب پر جو وقتِ بخشش سوال آیا کمال آیا

تجھی کو زیبا ہے تاجداری کہ تیرے خدامِ در کی صف میں ہر اک فضیلت مآب و ہر خوش خصال آیا کمال آیا

بقیع میں اس گدا کو دوگز زمین مدفن کو چاہیے ہے کہ ہر تمنا یہ اپنے دل سے نکال آیا کمال آیا

رعونتِ رنگ و نسل کے بت کمالِ حیرت سے تک رہے تھے جو چھت پہ کعبے کی تیرا حبشی بلال آیا کمال آیا

عداوتوں سے ہوئی رہائی بنے سب اک دوسرے کے بھائی محبتیں بانٹنے وہ شیریں مقال آیا کمال آیا

عظیم و ذیشاں رسول سارے جنابِ حق میں قبول سارے مگر انہیں میں جو آمنہ بی کا لال آیا کمال آیا

ہوا میں جب بھی اسیرِ مشکل سکوں کا مژدہ سنانے فاضل نبئ رحمت کی یاوری کا خیال آیا کمال آیا

فاضل میسوری

NaatAcademy

3 views

Recent Posts

See All
bottom of page