top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

جو پناہ سیّد کون و مکاں میں آگیا

جو پناہِ سیّدِ کون و مکاں میں آ گیا وہ بلا شک حق تعالیٰ کی اماں میں آ گیا

جِس نے حضرت کو وسیلہ، دوستو! پیدا کیا میں یہ کہتا ہوں کہ وہ دار الاماں میں آ گیا

رحمۃ للعالمیں جس روز سے پیدا کیا اور ہی اک فیض کا عالم جہاں میں آ گیا

ہوگیا کیا رشکِ جنّت یہ گلستانِ جہاں جیسے اُس گُل کا قدم اِس گلستاں میں آ گیا

فیضِ انوارِ قدومِ سیّدِ ابرار سے نور کا عالم زمین و آسماں میں آ گیا

جب تصور بندھ گیا نظروں میں روئے پاک کا دیدۂ مشتاق گلزارِ جہاں میں آ گیا

یہ نہیں ممکن جَلائے آتشِ دوزخ اُسے کلمۂ دینِ محمدﷺ جِس زماں میں آ گیا

اُس تبسم کا تصور مسکرانے کا خیال صورتِ آبِ بقا اُس نیم جاں میں آ گیا

جب کہا کافؔی قسیمِ حوضِ کوثر کی ثنا آب کوثر کا، دہانِ مدح خواں میں آ گیا

9 views
bottom of page