جب کبھی ذکرِ شہِ کون ومکاں ہوتا ہے

جب کبھی ذکرِ شہِ کون ومکاں ہوتا ہے نکہت و نُور کے عالم کا سماں ہوتا ہے

کیسے اُس حُسنِ جہاں تاب کا نقشہ کھینچوں حسن کیسےکسی انساں سے بیاں ہوتا ہے

سر پہ اک آپ کے ہے ختمِ نبوّت کا تاج آپ ﷺ کا ذکر قرارِ دل و جاں ہوتا ہے

یادسےگلشنِ دل میں ہیں چٹکتی کلیاں روز وشب نامِ نبی ﷺ وردِ زباں ہوتا ہے

ان ﷺ کی عظمت کا احاطہ میں کروں تو کیسے اُن ﷺ کا رُتبہ تو صحیفوں میں بیاں ہوتا ہے

تا ابد بھی ہو ثناۓ شہِ ابرار اگر حق ادا مدحِ شہ دیں کا کہاں ہوتا ہے

پھر اسے غم نہ زمانے کے ستانے آئیں جسکےسینےمیں تراعشق نہاں ہوتا ہے

ٹوٹ جاتے ہیں تری یاد سےبند آنکھوں کے ایک دریا مری آنکھوں سے رواں ہوتاہے

آہ بھرتے ہیں انہیں یاد کیۓ جاتے ہیں آنکھ سے دردِ غمِ ہجر عیاں ہوتا ہے

جس کو رویا میں بھی دیدارِ نبی ﷺ ہو جاۓ وہ مقدّر کا دھنی اہلِ جِناں ہوتا ہے

نورِ وحدت سے کیا بزمِ جہاں کوروشن اُنﷺکااسوہ ہی تومنزل کا نشاں ہوتا ہے

حد نہیں اُن ﷺ کے کرم ، جُود و سخا کی زینب ہرسوالی پہ کرم اُن ﷺکےیہاں ہوتا ہے

کلام : سیدہ زینب سروری ???? ????ℯ?? ________________________________ ᴀᴅᴍɪɴ – https://www.facebook.com/OwaisRazvi

Recent Posts