top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

تیری چوکھٹ تک رسائی گر شہا ہو جائے گی

تیری چوکھٹ تک رسائی گر شہا ہو جائے گی بے وفا تقدیر بھی پیک وفا ہو جائے گی

انکے در پر گروفور عشق میں سر رکھ دیا ایک سجدے میں ادا ساری قضا ہوجائے گی

ننھے طائر تک اٹھیں گے لیکے جوش انتقام ابرہہ کے ظلم کی جب انتہا ہوجائے گی

میں تو بس ان کی نگاہِ لطف کا مشتاق ہوں غم نہیں گر ساری دنیا بے وفا ہوجائے گی

خیر امت کی سند سرکارﷺ سے جب مل گئی میری قسمت مجھ سے پھر کیسے خفا ہو جائے گی

ہورہی ہیں چاند پر جانے کی پیہم کوششیں محو حیرت ہوں یہ دنیا  کیا سے کیا ہوجائے گی

گر کہیں جان چمن اخؔتر چمن میں آگیا پتی پتی اس چمن کی ہم نوا ہوجائے گی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

28 views
bottom of page