top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

تو نوازے اگر اے ذوقِ نظارا مجھ کو

تو نوازے اگر اے ذَوقِ نظارا مجھ کو

میں جِدھر جاؤں نظر آئے مدینہ مجھ کو

میری آنکھوں میں سمٹ آتا ہے اللہ کا جمال

جب بھی آتا ہے خیال شہ بطحا مجھ کو

بھر گئی دولت ِ کونین سے میری جھولی

جب شہنشاہ ِ مدینہ نے نوازا مجھ کو

رہ گیا مری خطاؤں کا سرِحشر بَھرم

مل گیا آپ کے دامن کا سہارا مجھ کو

آ گئے میری مسیحائی کو رشکِ عیسیٰ

دیکھتی رہ گئی حیرت سے یہ دنیا مجھ کو

روکشِ خُلد ہے سرکار کے روضے کی ہوا

خُلد زاہد کو مبارک ہو، مدینہ مجھ کو

اپنی قسمت پہ مجھے ناز نہ کیوں ہو خاؔلد

لوگ کہتے ہیں غلام ِ شہ بطحا مجھ کو

46 views
bottom of page