top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

تمہیں تو ہو خاتم پیمبرﷺ تمہیں تو ہو شانِ حق کے مظہر

تمہیں تو ہو خاتم پیمبرﷺ تمہیں تو ہو شانِ حق کے مظہر تمہیں ہمارے شفیع محشر تمہیں تو ہو دوجہاں کے رہبر

نہ کوئی والی نہ کوئی ہمسر ہوا ہے سارا زمانہ دشمن خبر تو لیجئے میرے پیمبرﷺ بھٹک رہا ہے غلام در در

ہزاروں نبیوں کے جمگھٹے میں بجز تمہارے اے کملی والے ہوئے کلیم و خلیل لیکن ہوا نہ کوئی حبیب داور

کریم تم ہو شفیع تم ہو تمہارے ہاتھوں میں ساری دولت میں خالی جاؤں بتاؤ کیونکر ہمارے مولا ہمارے سرورﷺ

یہی ہے اک التجا ہماری یہی ہے اک آرزو ہماری بروز محشر اے کملی والےﷺ تو رکھنا سایہ ہمارے سر پر

مدینے والے بچانا اس دم لبوں پہ اخؔتر کے جاں ہو جس دم بس آخری التجا ہے اتنی اے میرے آقا اے میرے سرورﷺ

5 views
bottom of page