top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

ابر کرم گیسوئے محمد صلی اللہ علیہ وسلم

ابر کرم گیسوئے محمدﷺ دونوں حرم ابروئے محمدﷺ صلی اللہ علیہ وسلم

سب سے انوکھا موئے محمدﷺ سب سے نرالی کوئے محمدﷺ صلی اللہ علیہ وسلم

سب کی نظر ہے سوئے کعبہ کعبہ تکے ہے روئے محمدﷺ صلی اللہ علیہ وسلم

کعبے کو کس نے بنایا قبلہ کعبے کا کعبہ روئے محمدﷺ صلی اللہ علیہ وسلم

سجدۂ سر ہے سوئے کعبہ سجدۂ دل ہے سوئے محمدﷺ صلی اللہ علیہ وسلم

سارے چمن میں کس کی خوشبو خوشبو ہے خوشبوئے محمدﷺ صلی اللہ علیہ وسلم

کس کی چمک ہے پیکرِ گل میں گل میں کھِلا ہے روئے محمدﷺ صلی اللہ علیہ وسلم

دھارے چلے ہر انگلی سے ان کی دیکھو وہ نکلی جوئے محمدﷺ صلی اللہ علیہ وسلم

کس کا مو دیتا ہے گواہی موئے محمد، موئے محمدﷺ صلی اللہ علیہ وسلم

زندہ ہے واللہ! زندہ ہے واللہ! جانِ دوعالم روئے محمدﷺ صلی اللہ علیہ وسلم

رشکِ طیبہ کیا ہے دکھاوں دیکھو قدِ دل جوئے محمدﷺ صلی اللہ علیہ وسلم

بھینی بھینی خوشبو لہکی کھل گئے جب گیسوئے محمدﷺ صلی اللہ علیہ وسلم

یہ رہ مہکی وہ رہ مہکی کھل گئے جب گیسوئے محمدﷺ صلی اللہ علیہ وسلم

اخترؔ خستہ چل دے جناں کو باغِ جناں ہے کوئے محمدﷺ صلی اللہ علیہ وسلم

کلامِ مرشد: تاج الشریعہ مفتی محمد اختر رضا خان قادری ازہری علیہ الرحمہ

26 views
bottom of page