top of page
Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

نعت کی خوشبو گھر گھر پھیلے

آپ آئے تو تاریکیاں چھٹ گئیں، روشنی ہوگئی

روزِ جمعہ کی ایک اور سعادت : صلی اللّٰہ تعالیٰ علیہ وآلہٖ وصحبہ وبارک وسلم آپ آئے تو تاریکیاں چھٹ گئیں، روشنی ہوگئی ظلم اور جبر کی بیڑیاں کٹ گئیں، آشتی ہوگئی آپ آئے تو بادِ بہاری چلی، گل مہکنے لگے خوشبوؤں سے سبھی بستیاں اٹ گئیں، تازگی ہوگئی سارا عالم تھا ڈوبا ہوا کفر میں، آگئے مصطفیٰ شرک و بدعت کی طغیانیاں گھٹ گئیں، راستی ہوگئی کالے گورے کی تفریق بھی ختم کیں، متحد پھر کیا دوریوں کی سبھی کھائیاں پٹ گئیں، دوستی ہوگئی جھوم کر خوب برسا ہے ابرِ کرم، لطفِ شاہِ امم خوانِ سرور سےجب نیکیاں بٹ گئیں، بہتری ہوگئی اُن کی باتوں نے سب پر مشاہد کیا، خوب گہرا اثر جن کے لہجوں میں تھیں تلخیاں ہٹ گئیں، چاشنی ہوگئی عرض نمودہ : محمد حسین مشاہد رضوی 8 ربیع الاول 1443ھ 15 اکتوبر 2021ء بعد نمازِ جمعہ

18 views
bottom of page