top of page

نعت کی خوشبو گھر گھر پھیلے

Naat Academy Naat Lyrics Naat Channel-Naat-Lyrics-Islamic-Poetry-Naat-Education-Sufism.png

آئیے تسکینِ جانِ زار کی باتیں کریں

آئیے تسکینِ جانِ زار کی باتیں کریں سرورِ دیں سیدِ ابرارﷺ کی باتیں کریں

ہو رہی ہیں بادلوں سے چاند کی اٹکھیلیاں ہم بھی ان کے کاکل درخسار کی باتیں کریں

ہوش آجائے نہ پھر میرے جنونِ شوق کو چارہ گر طیبہ کے صحرا زار کی باتیں کریں

گوشِ نازک سے ہے یوں زلفِ نبیﷺ کا اتصال دو حسِیں جیسے بہم اسرار کی باتیں کریں

بلبلیں گل کی، چمن کی گفتگو کرتی رہیں ہم محمّدﷺ کے لب و رخسار کی باتیں کریں

اوج پر ہے ان کے دیوانے کی شوریدہ سری آپ طیبہ کے درو دیوار کی باتیں کریں

ہم تو اختؔر یوسفِ طیبہ کے ہاتھوں بِک چکے کرنے والے مصر کے بازار کی باتیں کریں

33 views
bottom of page