Shehzadi e Rasool Jannat ki hai Malika

Like
Like Love Haha Wow Sad Angry

Ya Saiyyada …………… Ya Zahra…………

Shehzadi e Rasool Jannat ki hai Malika
Hasanain ki hai maa vo Fatima Zahra

Nabi ke ghar mai jo rehmat hai Fatima Zahra
Khuda ki khas inayat hai Fatima Zahra

Nabi aal hamara azim virsa hai
Ye la zaval virasat hai Fatima Zahra

Tumhare naam jo utri hai Ayat e Tathir
Ye Be misal karamat hai Fatima Zahra

Tumhare baalon ko dekha na chand suraj ne
Haya ki chadar e izzat hai Fatima Zahra

Zamana kehta hai jisko Hasan Husain ki Maa
Rasool e paak ki itrat hai Fatima Zahra

Nabi ke jism ka tukda hai zauja e haidar
Ali ke paas amanat hai Fatima Zahra

Riza v sabr ki malika nabi ki shehzadi
Ibadaton ki hakikat hai Fatima Zahra

Lahu Husain ka ab bhi gavahi deta hai
Tumhare khun mai jur’at hai Fatima Zahra

Dar e Batool UJAGAR kabhi na chhode ga
Tumhare dar se hi izzat hai Fatima Zahra

0 I like it
0 I don't like it